२३ जून – महत्त्वाकांक्षी पालक

हल्ली आपण पाहतो की, आईवडील त्यांच्या मुलांची खूप काळजी घेत असतात. मुलांना सगळ्या चांगल्या गोष्टी मिळाव्यात, त्यांचा आहार पौष्टिक असावा, त्यांची शारीरिक वाढ नीट व्हावी, ह्यासाठी आईवडील प्रयत्न करत राहतात. पण त्याबरोबर त्यांच्या अपेक्षाही वाढतात. दुसऱ्या मुलांपेक्षा आपल्या मुलांनी अधिक स्मार्ट दिसावे असे त्यांना वाटते. त्यांनी सगळ्या विषयांत १०० पैकी १०० मार्क मिळावावेत, स्पोर्ट्स मध्ये चॅंपियन व्हावे, त्यांना चांगले बोलता यावे, त्यांनी डॉक्टर बनावे, एन्जिनीअर बनावे. आईवडील स्वतःपेक्षा त्यांच्या मुलांच्या बाबतीत जास्त महत्त्वाकांक्षी झाल्याचे आपल्याला दिसते.

पण हे काही नवीन नाही. पवित्र शास्त्रात प्रभू येशूचा एक संवाद आहे. (मत्तय २०:२०-२४). येशूचे जे बारा शिष्य होते त्यांच्यांत याकोब आणि योहान हे दोन भाऊ होते. त्यांच्या बापाचे नाव जब्दी असल्याने ते जब्दीचे पुत्र म्हणून ओळखले जात. येशूचे बारा शिष्य तर नेहमीच त्याच्याबरोबर असायचे. पण एकदा असे झाले की, याकोब आणि योहान ह्यांची आई येशूला मुद्दाम भेटायला गेली. कारण तिच्या मनात तिच्या मुलांविषयी एक महत्त्वकांक्षा होती आणि येशू ती पूर्ण करू शकेल अशी तिची कल्पना होती.

ती आपल्या मुलांना घेऊन आली, आणि तिने येशूला नमन करून त्याच्याजवळ काही याचना केली. तेव्हा येशूने तिला विचारले, “तुला काय पाहिजे?” आणि तिने आपल्या मनातले बोलून दाखवले. आपल्या दोन्ही मुलांना येशूच्या बरोबरीचे मानाचे स्थान प्राप्त व्हावे आणि त्यांना विशेष अधिकार मिळावेत, अशी तिची इच्छा होती. ती त्याला म्हणली, “तुझ्या राज्यात माझ्या ह्या दोन मुलांनी, एकानं तुझ्या उजवीकडे आणि एकानं डावीकडे बसावं अशी आज्ञा दे.” येशूला त्या आईची ही मागणी ऐकून आश्चर्य वाटले. त्याने तिला विचारले की, ती काय मागत आहे ह्याची तिला जाणीव तरी आहे का?

आपणही आपल्या मुलांना ओळखले पाहिजे. त्यांच्या आवडी-निवडी जाणून घेतल्या पाहिजेत. त्यांना मोठे होऊन काय बनायचे आहे, हे आपण त्यांना विचारले पाहिजे. पालकांनी स्वतःच्या अपूर्ण राहिलेल्या महत्त्वाकांक्षा त्यांच्या मुलांवर लादणे बरोबर नाही.

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s